16 de setiembre de 2009.

El Gobiernu comprometióse a informar esti trimestre al Parlamentu de les sos xestiones pa promover l`usu de les  llingües cooficiales na Unión Europea, según s`establez nuna enmienda pactada esta mañana nel Congresu ente`l PSOE y el grupu d`ERC-IU-ICV.

  Según l`acuerdu, el Gobiernu promete acudir enantes de fin d`añu a la Comisión Mista pa la Unión Europea, col fin de dar cuenta del cumplimientu de los acuerdos socritos por España en rellación col usu de les llingües cooficiales nes insituciones europees, asina como del desarrollu de los compromisos adoptaos cola confirmación de la Carta Europea de les LLingües Rexonales y Minoritaries n`España.

  Tamién se compromete a presentar les midíes previstes pa promover y formalizar un acuerdu col Parlamentu Europa pal usu de les llingües cooficiales, y aquelles actuaciones dirixíes a Estaos de la UE colos que se comparte dominiu llingüísticu, a fin y efectu d`establecer midíes de cooperación llingüística.

  La enmienda, discutida güei na Comisón Mista pa la Unión Europea, vien a sustituyir una proposición non de llei promovida por Esquerra Republicana que criticaba l`actuación del Executivu y que pretendía dir más p`allá, pidiendo espacios de televisión tresfronterizos ente comunidaes españoles y estranxeres que comparten la mesma llingua.

Europa Press