MANIFIESTU DE LA PLATAFORMA POLA DEFENSA DEL PARQUE NATURAL DE REDES Y VALLE DE CALIAO

Impedir la construición del banzáu de Caliao nun tien que significar sólo´l yogur de salvar un valle perguapu d´un espaciu natural protexíu de gran valor, sinon el saber que medraremos un poco nel esfurezu de nueso por algamar un futuru sostenible, onde los y les asturianes seamos conscientes del llinde de los nuestros recursos y,pola mor  d´eso, nun seya posible plantegar como güei un consumismo enforma. Un futuru onde valoremos los ríos, los paisaxes, les comunidaes vives, el llabor de persones y pueblos que nos dexaron un valerosu patrimonio natural y cultural al traviés de los sieglos, como elementos esenciales pa la nuestra esistencia y crecimiento como seres humanos.

DELLES RAZONES PA NUN FACER EL BANZÁU

o El Valle de Caliao ta dientru´l Parque Natural de Redes. Polos sos valores del espaciu llevénlu a ser propuestu incluso como Parque Nacional pol Comité d´Espertos de Mediu Ambiente. Foi declaráu como Reserva de la Biosfera pola UNESCO. Ye fastera d´Especial Protección pa los Páxaros (ZEPA) y Llugar d´Interés Comunitariu (LIC). Ye abellugu d´especies seriamente amenazaes como´l osu, el llobu o l´urogallo.

o  El consumu d´agua d´aguaño de la población asturiana nun justifica la construición del nuevu banzáu y más cuando nun s´estudió otres alternatives esistentes de menor impactu, nun se van a meyorar los recursos presentes, nin esiste una planificación pal futuru basada nel crecimiento sostenible, l´aforro y una bona y racional ordenación del territorio.

o  Desiximos la revisión de los costes d´agua, medrando a los que más gasten ensin esmolecese pol so usu racional. D´esta manera esparciremos les polítiques tendentes hacia l´aforru, a conservar la calidá del agua y a algamar la so posterior reutilización pa los diferentes usos. Debemos pidir especialmente esti esfuerzu al sector industrial que ye´l que mayor gastu d´agua tien.

o  Desiximos meyorar los recursos esistentes. Al traviés d´estudios que valoren la posibilidá de facer nueves redes entamando dende les yá esistentes: grandes y pequeños banzaos, sistemes de bombeo, etc. Ye imprescindible reformar les instalaciones vieyes, corroyendo les pérdides d´agua qu´hai na rede.

o  Desiximos una ordenación del territorio que seya sostenible, onde se pongan llindes al crecimiento urbanísticu, onde nun medren l´aumentu de segundes residencies, los modelos turísticos que saturen el territorio y la constuición ensin llímite d´infraestructures con altu gastu d´agua (campos de golf,...)

En consecuencia, manifestamos la nuestra rotunda oposición al proyeutu del banzáu de Caliao, Afitaremos pola verdadera Nueva Cultura del Agua, pola xestión de la demanda, dexando a un llau les vieyes y típiques d´otres dómines, polítiques de grandes infraestructuras de, tantes vegaes demostraes, poca o nula utilidá. Apostaremos poles polítiques d´aforru, por dar un preciu real al valor de los bienes y servicios que l´ecosistema nos dá, y protexélu, a los sos componentes y procesos que lu formen.


Forman parte de la Plataforma les organizaciones que van darréu:

*ANA (Asociación Asturiana de Amigos de la Naturaleza), *Andecha Astur, *Avall (Llanes), *Bloque por Asturies, *Cambalache, *CC:OO: Unión Comarcal del Nalón,*Asociación Medioambiental La Cirigüeña (Morcín), *Colectivo Ecologista de Avilés, *Colectivo Montañero por la Defensa de los Picos de Europa, *Confederación de Asociaciones de Vecinos de Asturias (CAVASTUR), *Coordinadora Ecoloxista d`Asturies, *Coordinadora Ornitológica d`Asturies, *Corriente sindical de Izquierdas (CSI), *Ecoloxistes n`Aición, *Grupo de Recuperación y Estudio de Espacios Naturales (GREEN), *Grupo Ecologista Cuerria (Laviana), *Grupo Ecologista La Llavandera de Llangreu, *Izquierda Unida (IU), *Jóvenes por la Ecología y *Los Verdes d`Asturies.