Izquierda y asturianismu nun son términos que se contrapongan. Sinon tolo contrario, izquierda y asturianismu son términos que se complementen y necesiten. La cuestión nacional y la cuestión social son cares de la mesma moneda.
Escribe Javier de Lucas: ´ Me parece que una buena parte de los que se autodenominan europeistas, internacionalistas y cosmopolitas en sus esfuerzos por descalificar esa manera de razón ideosincrática que sería el nacionalismo, esconden las más de las veces otra forma de nacionalismo, que cojea de los tres defectos que aquellos les critican: belicoso, burgués y localista, que son los tres estigmas con los que se suele identificar a los nacionalismos emergentes y minoritarios. El cosmopolitismo de otros es no sólo un cosmopolitismo vacío, sino un monopolio nacional que identifica la cultura, lo universal, con la producida por determinados grupos etnoculturales occidentales y que hace por que se establezca el colonialismo, también el cultural, para el que hay pase para el nacionalista siempre que se arrincone en el coto inofensivo del folclore o del dialecto... No pocas veces, detrás del cosmopolita se esconde un ´cosmopaleto´. El único universalismo aceptable es el que sigue la ratio de universalización de los derechos humanos y del reconocimiento de la condición de sujeto de cualquier ser humano sin más añadidos...´.
La izquierda asturianista nun defiende los derechos nacionales al marxen de les lluches sociales. Tolo contrario, eses demandes democrátiquess apaecen anguañu xuníes a un oxetivu común qu´aspira a recoyer la pluralidá de puntos de vista de los estremaos proyectos emancipatorios.
Asturies ye una nación, colos sos propios problemes, colos sos propios procesos de llucha, situada nun puntu concretu de la división internacional del trabayu, con una identidá propia.
El capitalismu necesita para tol planeta un únicu modelu de civilización y valores, necesita aniquilar cualquier cosa que se oponga a la constitución d´esti modelu de sociedá. Necesita un ser humanu sometíu al imperiu del mercáu. Por eso defender les llingües, les cultures y les naciones, na midía que´l capitalismu tresnacional se fae presente na nuestra vida diaria ye un actu de resistencia política. Cada sociedá humana y cada llingua representen, con toles sos contradicciones, una concepción del ser humanu y del mundu, que fae más rica a la especie nel so conxuntu. Na más los y les que saben de que nación decidieron llíbremente ser ciudadanos y ciudadanes puen comprender y unise crítica y solidariamente a otres naciones pa acabar col capitalismu, col imperialismu, cola explotación, cola miseria, colos estados, coles fronteres, colos exércitos,...
Dicen que si metes una rana dientru d´una pota con agua ferviendo, la rana llucha, salta y acaba escapando. Pero que si la metes nuna pota con agua frío y vas calentandola puquiñín a puquiñín, la rana nun s´entera y acaba morriendo cocía.
Asina ficieron con Asturies. Asina nos ficieron y nos tán faciendo. Fueron calentando la pota puquiñín a puquiñín. Fueron desfaciendo les nuestres bases económiques, la nuestra identidá como Pueblu, la nuestra llingua, la nuestra cultura, el nuestru mediu natural y les nuestres perspectives de desarrollu.
Ye indispensable entamar a criar les ferramientes d´acción sociopolítica que nos permitan ser los únicos amos y ames del nuestru futuru.